Young Entrepreneurs

This article is published in February month issue of  'YUVA' magazine of Rane Publication 

वरात निघाली दुबईला

This article is published in February month issue of  'YUVA' magazine of Rane Publication 

वरात निघाली दुबईला

आपल्या लिखाणाने आणि नाटकांनी रसिकांच्या मनावर अनेक दशके अधिराज्य गाजवणारे साहित्यिक, संगितकार, अभिनेते, विज्ञानप्रेमी असे बहुरूपी व्यक्तीमहत्त्व म्हणजे पु.ल.देशपांडे. पु.लं.नी लिहिलेले 'वा-यावरची वरात' हे नाटक नव्या कलाकारांसोबत निघालेय दुबईवारीला... 

प्रतिक मुकणे (Email Id: info@pratikmukane.com)

आपल्या लिखाणाने आणि नाटकांनी रसिकांच्या मनावर अनेक दशके अधिराज्य गाजवणारे साहित्यिक, संगितकार, अभिनेते, विज्ञानप्रेमी असे बहुरूपी व्यक्तीमहत्त्व पु.ल.देशपांडे यांनी लिहिलेले वा-यावरची वरात हे पुन्हा रचलेले नाटक नव्या कलाकारांसोबत दुबईवारीला निघाले आहे.

'वा-यावरची वरात' या नाटकाचा पहिला प्रयोग 16 सप्टेंबर 1962 साली मुंबईत झाला होता. मात्र, पु.ल.देशपांडे यांच्या एकाही नाटकाची निर्मिती नाट्यसंपदाने गेल्या 50 वर्षात  केली नव्हती, त्यामुळे निर्माते अनंत पळशीकर यांनी श्रीकांत मोघे यांच्या मार्गदर्शनाखाली, नव्या कलाकारांसोबत हे नाटक प्रेक्षकांच्या भेटीला आणले. 

पु.ल.देशपांडे यांनी आपल्या नाटकाचे लेखन, संगीत आणि दिग्दर्शन स्वतःच केले होते. त्यांनी केलेल्या नाटकांच्या सीडी बाजारात उपलब्ध होत्या. त्यामुळे त्याच सीडींच्या आधारे 2010 साली नव्या कलाकारांसोबत 'वा-यावरची वरात' या नाटकाची पुन्हा रचना करता आली असल्याचे  करण्यात आली असल्याचे नाटकाचे निर्माते अनंत पणशीकर यांनी सांगितले. 

श्रीकांत मोघे यांनी अनेक प्रयोग पु.ल.यांच्यासोबत केले होते. त्यामुळे या नाटकाच्यापुन्हा रचण्यासाठी त्यांना बोलविण्यात आले. या नाटकात एकूण 16 कलाकारांचा सहभाग असून प्रत्येक गोष्ट ही पूर्वी प्रमाणेच लाईव्ह सादर करण्यात येत आहे. विशेष  म्हणजे, 50 वर्षांपूर्वीचा संदर्भ, आजच्या घडीला देखील तितकाच साजेसा आहे.   

मराठी भाषिक आणि मराठी कलेची आवड असणारे हजारो नागरिक परदेशात आहेत. त्यामुळे मराठी नाटकांचा निखळ आनंद घेण्यासाठी परदेशी मराठी बांधव सुट्यांमध्ये भारतात येतात. महाराष्ट्र मंडळ दुबईचे कोशाध्यक्ष निरंजन वैद्य हे देखील मुंबईला आले होते. त्या दरम्यान त्यांनी 'वा-यावरची वरात' हे नाटक पाहिले व त्यांना ते इतके आवडले की, हे नाटक दुबईमध्ये व्हावे अशी इच्छा त्यांनी व्यक्त केली. वैद्य यांनी त्यासाठी आनंद इंगळें यांच्याशी व महाराष्ट्र मंडळ दुबईचे अध्यक्ष प्रकाश केळकर यांनी आनंत पणशीकर यांच्याशी संवाद साधला व हे नाटक दुबईमध्ये करण्याचे ठरवले. परंतु एवढ्या कलाकारांना एकाचवेळी दुबईला घेऊन जाण्यासाठी प्रायोजनाची अवश्याकता होती. आर्थिक अडचणींमुळे एवढ्या कलाकारांना एकाचवेळी दुबईला घेऊन जाणे शक्य होणार नव्हते. मात्र, जेव्हा ही बाब युवाचे संपादक नितेश राणे यांना कळाली, तेव्हा त्यांनी पुढकार घेऊन ‘युवा’ तर्फे प्रयोगासाठी दुबईला जाण्यासाठी लागणारा  प्रायोजन प्रवास खर्च देण्याचे ठरवले. त्यामुळे येत्या 22 फेब्रुवारीला 'वा-यावरची वरात' या नाटकाचा ७५ वा प्रयोग दुबईमध्ये साकार होणार आहे. विषेश म्हणजे, एखाद्या नाटकाच्या  प्रयोगासाठी 16 कलाकारांनी परदेशात  जाण्याची ही पहिलीच वेळ आहे.     

नव्या कलाकारांच्या या नाटकात आनंद इंगळे हे पु.ल.देशपांडे यांची भूमिका साकारत आहेत. तर प्रदीप पटवर्धन हे रमाकांत देशपांडेंची, अतिषा नाईक या आशालता वाभगावकर यांची तर लालजी देसाई यांनी साकारलेली भूमिका अमोल बावडेकर बजावत आहे. त्याच बरोबर विघ्नेष जोशी, सुप्रिया पाठारे, श्रध्दा केतकर, समीर चैघूले, नयना आपटे, अपर्णा अपराजित, रमेश  वाणी, सुहास चितळे, प्रणव राणे, अमित जांभेकर यांचा देखील या नाटकात समावेश आहे. पु.ल देशपांडे यांनी लिहिलेल्या नाटकात काम करण्याची संधी मिळणे हे आपले भाग्यच असल्याचे मत नाटकात सहभागी झालेल्या कलाकारांनी व्यक्त केले आहे.   

'वा-यावारची वरात' हे नाटक 50 वर्षांचे झाले आहे. मात्र, आजही पु.ल.देषपांडे यांच्या विनोदांची आणि नाटकांची जादू तितकिच असल्याचे मत नाटकाचे मार्गदर्शक श्रीकांत मोघे यांनी व्यक्त केले.  मोघे यांनी पु.ल.देशपांडे यांच्यासोबत काम केल्यामुळे, नाटकाच्या सर्व बाबींशी ते एकरूप आहेते. पु.ल यांची भूमिका योग्य प्रकारे साकरणरा व नाटकाला न्याय देणारे कलाकार निवडणे ही त्यांच्यासाठी खूप महत्त्वाची बाब होती. या नाटकाचे देशभरात आजपर्यंत झालेले प्रत्येक प्रयोग हाऊसफुल्ल होते. पण पु.ल.यांचे हे नाटक आता साता समुद्रापलिकडे होणार असून त्यांच्या चाहत्यांसाठी ही एक मेजवाणीज ठरणार असल्याचे मोघे म्हणाले. मराठी भाषा आणि कला जेवढी समृध्द आहे, तेवढी इतर कोणतीच भाषा समृध्द नाही. परंतु ती लोकांसमोर आणण्यात आपण कमी पडत आहोत. मात्र, मराठी नाटकांचा झेंडा परदेशात रोवण्यासाठी नितेश राणे यांनी उचललेले पाऊल आणि ‘युवा’ने केलेले सहकार्य ही खूपच मोलाची बाब असल्याचेही ते म्हणाले.

पु.ल.देशपांडे यांची भूमिका साकारत असलेले आनंद इंगळे यांनी आपल्यासाठी ही पर्वणीच असल्याचे सांगितले. पु.ल.यांची भूमिका उत्कृष्ट प्रकारे साकारतायावी यासाठी त्यांनी केलेल्या प्रयोगांच्या सीडी वारंवार बघून त्याचा अभ्यास केला असल्याचे इंगळे म्हणाले. महाराष्ट्र मंडळ दुबई, कलानिधी आणि नाटयसंपदाचे अध्यक्ष आनंद पळशीकर यांच्यामुळे आम्हाला हे नाटक आंतरराष्ट्रीय पातळीवर सादर करण्याची संधी मिळत असून त्यांनी दाखवलेले धाडस हे कौतुकासपद असल्याचेही इंगळे म्हणाले. 

तर प्रदीप पटवर्धन हे रमाकांत देशपांडे यांनी साकरलेली भूमिका साकारत आहेत. पु.लं. यांनी लिहिलेल्या नाटकात आपल्याला काम करायला मिळणे ही खूप भाग्याची गोष्ट आहे. या नाटकामुळे केवळ चांगले नाटक करण्याची संधी मिळत नसून खूप काही शिकायला देखील मिळत आसल्याचे पटवर्धन यांनी सांगितले. या नाटकासाठी संपूर्ण टीम मेहनत घेत असून, श्रीकांत मोघे यांचे मोलाचे मार्गदर्शन लाभात आहे. सुरूवातीला या नाटकाचे 3-4 प्रयोगच होणार होते. मात्र, पणशीकर यांनी ते सुरूच ठेवण्याचा निर्णय घेतला व त्यामुळे आता या नाटकाचा 75वा प्रयोग साता समुद्रापलिकडे होणार आहे. त्यानिमित्ताने आम्हा कलाकारांना परदेशातील मराठी बांधवांना देखील भेटण्याची संधी मिळेल. दुबई प्रमाणचे महाराष्ट्र मंडळ हे इतर देशांमध्ये देखील आहेत. त्यामुळे हे नाटक जगभरातील पु.ल.देशपांडेंच्या चाहत्यांना बघण्यास मिळाले, तर तो केवळ आमचाच नाही, तर पु.लं.यांचा देखील गौरव असेल. 

वा-यावरची वरात या नाटकाचा 75 वा प्रयोग व नाट्यसंपदाला होत असलेली 50 वर्षे, यामुळे दुबईमधील पु.ल.देशपांडे यांच्या चाहत्यांना आणि मराठी बांधवांना विनोदांचा अस्वात तर घेता येणारच आहे, पण त्याच बरोबर नाट्य श्रुष्टीतील दिग्गज कलाकारांना देखील भेटण्याची संधी मिळणार आहे. 

Valentine Day Story

This article has been published in February month issue of 'YUVA' magazine of Rane Publication 

वील यू बी माय व्हॅलेन्टाईन...

वर्षातील प्रत्येक दिवस हा सारखाच असतो. पण प्रत्येक वर्षातील ‘तो’ एक दिवस खूप खास असतो. ज्या प्रमाणे ‘चतक’ हा पक्षी पावसाच्या पहिल्या थेंबाची वाट बघत असतो, तितक्याच आतुरतेने तरूण वर्ग ‘त्या’ दिवसाची वाट बघत असतो. अर्थात तो दिवस म्हणजे ‘व्हॅलेन्टाईन डे’.

 

एका हातात ग्रिटिंग कार्ड आणि गिफ्ट तर दुस-या हातात फुलांचा गुच्छा घेऊन - एकमेकांना आवडणारे मुलं-मुली त्या दिवशी एकत्र भेटतात, हृदयाची धाकधूक वाढत असते, आनंद देखील वाटत असतो आणि भीती सुध्दा-  तितक्यात दोघांपैकी कोणीतरी एकजण मोठ्या हिंमतीने म्हणतं - डिअर, मला तुला काहितरी सांगायचे आहे... ‘आय लव्ह यू- वील यू बी माय वॅलेंटाईन’? आणि तिथूनच सुरूवात होते ती एका गोड नात्याला. 

एकोणिसाव्या शतकापर्यंत ‘वॅलेन्टाईन डे’चे महत्त्व हे केवळ ‘रोमॅंटिक’ जोडप्यांपूर्तीच मर्यादित होते. प्रेमी युगल तो दिवस आपल्या जोडीदारास प्रेम पत्र, कविता किंवा भेट वस्तू देऊन साजरा करायचे. मात्र, विसाव्या षतकात ‘वॅलेन्टाईन डे’ ने अन्नय साधारण महत्त्व प्राप्त केले, आणि ज्या ज्या व्यक्तींनी आपल्याला प्रफुल्लित केले, त्या सर्वांच्या प्रति असलेली प्रेम-भावना व्यक्त करून हा दिवस साजरा करण्यास सुरूवात झाली. ‘वॅलेन्टाईन डे’ हा केवळ प्रेमी युगलांचा दिवस राहिला नसून तो एका ‘गोड नाते-संबंध’ साजरा करण्याचा सण झाला आहे. पूर्वी केवळ प्रियकर आणि प्रेमिका  एकमेकांना ‘वॅलेन्टाईन डे’च्या शुभेच्छा द्यायचे. मात्र आज, मित्र, मैत्रिणी, पालक, भाऊ-बहिण, शिक्षक किंबहुना, ज्याकोणी व्यक्ती आपल्यासाठी विशेष आहेत, त्या सर्वांसोबत हा दिवस साजरा केला जात आहे. 

प्रेम हे केवाही आणि कोणत्याही स्वरूपात व्यक्त केले जावू शकते. त्यासाठी एखादा विशिष्ट दिवस असला पाहिजे असे काही नाही. परंतु इतर दिवसांच्या तुलनेत ‘व्हॅलेन्टाईन डे’च्या दिवशी  आपल्या मनातील भावना प्रकट करण्याचे आणि ते स्विकारण्याचे महत्त्व हे आजच्या पिढीसाठी खूप वेगळे आहे. 

बघता-बघता दोघेही पडले एकमेकांच्या प्रेमात

ते दोघेही एकाच महाविद्यालयात आणि एकाच वर्गात शिकत होते. त्यांची चांगली मैत्री झाली होती. तिचं दिसण, तिच्या चेह-यावरचे हास्य त्याला खूप भावले. तिलाही तो आवडत होता. बघता-बघता ते दोघेही एकमेकांकडे आकर्शित झाले आणि कधी प्रेमात पडले हे त्यांनाच कळालेच नाही.  स्वप्निल आणि सोनल यांनी एकमेकांना कधीच प्रपोज केले नाही, मात्र ‘व्हॅलेन्टाईन डे’च्या दिवशीच, म्हणजे 14 फेब्रुवारी  2003 रोजी त्या दोघांनी रिलेशनशिप मध्ये आडकण्याचे ठरवले. विशेष  म्हणजे, स्वप्निल जोशी -बेडेकर महाविद्यालतील असा एकमेव विद्यार्थी होता ज्याची ‘लव्ह स्टोरी’ महाविद्यालयातील विद्यार्थ्यांपासून  ते प्रिंसिपलपर्यंत सगळयांना माहीत होती. महाविद्यालयातील स्टुडंट काऊंसिल व एनएसएसमध्ये स्वप्निल सक्रिय असल्यामुळे त्या दोघांना एकमेकांसाठी वेळ देणे शक्य होत नव्हते. त्यामुळे जेव्हा-केव्हा वेळ मिळायचा, तेव्हा ते महाविद्यालयाच्या कॅंम्पसमधील शेडमध्ये भेटायचे व करिअर, शिक्षण आणि भविष्याबाबत चर्चा कराचे.  

स्वप्निल आणि सोनले हे ‘व्हॅलेनटाईन डे’ जरी  साजरा करत नसले, तरी ते 14 फेब्रुवारी हा दिवस आवर्जुन साजरा करता, कारण 11 वर्षांपूर्वी याच दिवषी  ते ख-या अर्थाने एकमेकांच्या आयुष्यात आले होते. जशी वर्षे सरत गेली, तसे त्यांचे नाते देखील घट्ट  होत गेले. 

स्वप्निल आणि सोनल या दोघांचेही पालक समंजस असल्यामुळे, अंतरजातीय विवाहाला त्यांनी कधीच विरोध केला नाही. त्यामुळे 2003 सालापासून रिलेशनशिपमध्ये असलेले स्वप्निल आणि सोनल हे 1/1/2011 रोजी विवाहबध्द झाले. त्यांच्या लग्नाला दोन वर्षे पूर्ण झाली आहेत.  लग्ना अगोदर 14 फब्रुवारीला ते दोघेही एकमेकांना गुलाबाची फुले द्यायचे. ठाण्यातील कचराळी परिसरात फेरफटका मारून संपूर्ण दिवस एकमेकांसोबत घालवायचे. मात्र, या वर्षीचा ‘व्हॅलेनटाईन डे’ स्वप्निल आणि सोनल या दोघांसाठी खास असणार आहे. स्वप्निल आणि सोनल हे दोघेही मध्यमवर्गीय कुटुंबातील असून ज्या जोशी-बेडेकर महाविद्यालयात त्याने पाच वर्ष घालवली, त्याच महाविद्यालयात तो नोकरी करत आहे.  गेल्या अकारा वर्षांपासून एकमेकांसोबत असलेल्या या जोडीसाठी प्रेम म्हणजे जीवन आहे आणि तेच आनंददायी जीवन ते जगत आहेत.  

स्वप्निल मयेकर आणि सोनल मयेकर(मोरे), ठाणे  

सुंदर हस्ताक्षराने बांधली त्यांच्या आयुष्याची गाठ

ते दोघेही शेजारी होते. मात्र, ते एकमेकांशी बोलत नव्हते. त्यावेळेस सागर हा थ्रिडी फिल्म  अँनिमेशन मध्ये डिपलोमा करत होता. तर रोशनी नोकरी करत होती. प्रत्येकाच्यामनात आपल्या आयुष्यातील भावी जोडीदाराबाबत काहीना काही कल्पना असतात. तशाच काही कल्पना रोशनीच्यामनात देखील होत्या. रोशनीला आपला जोडीदार हा उंच, धिप्पाड असा मुलगा हवा होता. परंतु सागर अगदी त्या विरूध्द होता. तर सागरला सोजवळ आणि साधी मुलीगी हवी होती. पण रोशनी अगदी त्याच्या विरूध्द आणि बिनधास्त होती. दरम्यानच्याकाळात, सागरच्या वडिलांना प्रमोषन मिळाले. त्यामुळे त्यांनी आपल्या घरातील सामान त्याच कॉलनीतील दुस-या कॉटर्समधील मोठ्या घरात हालविण्यास सुरूवात केली होती. पण सागरने काही महत्त्वाचे पेपर्स रोशनीच्या घरात ठेवले होते. अचानक रोषनीने ते पेपर्स बघितले आणि तिने तिच्या आईला विचारल हे हस्ताक्षर कोणाचे आहे? ते सागरचे आहे हे तिला जेव्हा कळाले, तेव्हा ती अचंबित झाली.  त्यानंतर रोशनीनेच पुढाकार घेऊन त्याच्याची संवाद साधला व त्यानंतर त्यांचा एकमेकांषी घरोबा वाढला. त्यांची तीनवर्शांची मैत्री प्रेमात कधी बदलली हे त्यांना कळालेच नाही. ते दोघेही एकमेकांकडे आकर्षित होत असल्याचे त्यांच्या लक्षात आले. विशेष म्हणजे त्यांनी एक मेकांना प्रपोज कधीच केले नाही. त्या दोघांची परिस्थिती काहीशी ‘बातो बातो मे’ या हिंदी चित्रपटातील ‘ना बोले तुम ना मैने कुछ कहा, मगर ना जाने ऐसा क्यू लगा, की धूप मे खिला चांद दिन मे रात हो गई, की प्यार के बिना कहे सुनी ही बात हो गई’, अशी  झाली होती.

रोशनी नोकरी करत असल्यामुळे तिला फारसा वेळ मिळत नव्हता. त्यामुळे वेळात वेळ काढून सुट्टीच्या दिवशी ते महेशवरी उद्यानात भेटायचे व एकमेकांशी तासंतास गप्पा मारायचे. मात्र, त्यांनी ‘व्हॅलेन्टाईन’ डे कधी साजरा केला नाही. केवळ ‘व्हॅलेनटाईन’ आहे म्हणून आपल्या जोडीदाराला महत्त्व द्यायचे व इतर दिवशी प्रेमाला विशेष महत्त्व न देणे हे चुकीचे असून प्रेमात प्रत्येक क्षण हा ‘व्हॅलेनटाईन’ असतो अशा मताची रोशनी आहे. सुरुवातीला सागर आणि  रोशनीच्या  विवाहला घरच्यांचा थोडा आक्षेप होता. मात्र, रोषनीच्या घरातल्यांना सांगर आवडत असल्यामुळे त्यांच्या लग्नाला मान्यता मिळाले व मोठ्या थाटा-माठात 19 नोव्हेंबर 2010 रोजी त्यांचा विवाह झाला.

रोशनी आणि सागरच्या विवाहाला तीन वर्षे पूर्ण झाली असून त्यांन स्पंदन नावाची दीड वर्शांची एक गोंडस मुलगी आहे. सध्या सागर ट्रेस स्टुडियोमध्ये चांगल्या हुद्यावर काम करत आहे. तर रोषनी बॅंक ऑफ इंडियामध्ये काम करत असून त्यांचे वैवाहिक जीवन सुरळीत सुरू आहे.

रोशनी पवार (पालकर) आणि सागर पवार, सायन, मुंबई

‘लव्ह @ फस्ट साईट’

कनिष्ठ महाविद्यालयात ते दोघेही वाणिज्य शाखेत एकत्र शिकत होते. कॉलेजमध्ये असताना एका म्युचल फ्रेंडमुळे त्या दोघांची ओळख झाली. सौरभने जेव्हा पहिल्यांदा श्वेताला  पाहिल्या, त्याचवेळी तो तिच्या प्रेमात पडला. ओळख झाल्याच्या काही दिवसातच सौरभने तिला प्रपोज केल आणि श्वेताने त्याच्या प्रपोजलला दुजोरा दिला. त्यानंतर ते महाविद्यालयात भेटायचे व मुंबईत विविध ठिकाणी फिरायला जायचे. मात्र, गेल्या पाचवर्षांपासून एकमेकांच्या प्रेमात असलेल्या सौरभ आणि श्वेताने   आजपर्यंत ‘व्हॅलेन्टाईन डे’ कधीच साजरा केला नाही. जर आपण ऐकमेकांवर प्रेम करतो तर वर्षातील एकच दिवस ‘व्हॅलेन्टाईन डे’ म्हणून का साजरा करायचा? आयुष्यातील प्रत्येक दिवस हा व्हॅलेन्टाईन डे सारखाच  असला पहिजे अशा मताचे ते दोघेही आहेत. अनेक वर्षांपासून एकमेकांच्या प्रेमात असलेले सौरभ आणि श्वेता या दोघांनाही त्यांच्या घरच्यांनी सहकार्य केल्यामुळे ते नुकतेच विवाहबध्द झाले आहेत. आपल्या जोडीदाराने आपल्याला काहीही न सांगता ऐकमेकांच्या मनातील गोष्ट  ओळखणे म्हणजेच प्रेम असल्याचे दोघांनाही वाटते. विवाहनंतर सौरभ आणि  श्वेता यांना त्याचे वैवाहिक जीवन म्हणजे अविश्वश्निय स्वप्न साकार झाल्या सारखेच वाटत आहे. सौरभ आणि श्वेता हे दोघेही महाराष्ट्रिया कुटुंबातील आहेत. सौरभने हॉटेल मॅनेजमेंट केले असून त्याचा स्वतःचा ट्रॅव्हल-ट्यूरिझम व कॅटरिंगचा व्यावसाय आहे. तर श्वेताला एका खाजगी क्लासेसमध्ये काम करत आहे. या दोघांनीही त्यांच्या नवीन आयुष्याला सुरूवात केली असून येणारा काळ अधिकच सुखदायी असेल अशी आशा सौरभ आणि श्वेता करत आहेत.

सौरभ जाधव आणि श्वेता  जाधव, ठाणे

आमच्यासाठी ‘वॅलेन्टाईन डे’ म्हणजे... 

‘वॅलेन्टाईन डे’ साजरा करणे ही संकल्पना मला कधी भावली नाही. तुम्ही जर एखाद्या मुला-मुलीवर प्रेम करत असाल आणि तुमचे नाते-संबंध सुरळीत सुरू असेल, तर एखाद्या विशिष्ट  दिवशी भेटवस्तू दिल्याने किंवा सोबत राहिल्याने प्रेम व्यक्त होत नाही. प्रेम हे अनुभवायचे असते आणि ते आयुष्यभर जोपासायचे असते. 

अपूर्वा तुपदळे, ठाणे

............................................................

माझ्यासाठी 'व्हॅलेनटाईन डे' हा प्रेमाचा आणि एकत्र राहण्याचा दिवस आहे. इतर दिवसही असेच असले पाहिजेत. परंतु आपण प्रेम करत असलेल्या व्यक्तींचा त्या दिवशी विशेष आदर करण्यास आणि प्रेम व्यक्त करून तो दिवस खास प्रकारे साजरा करणे काही गैर नाही. 

इष्ना अरोरा, मुंबई

..............................................

या आधी ‘व्हॅलेनटाईन डे’ मी विशेष असा साजरा केलेला नाही. पण यावर्षीचा  ‘व्हॅलेनटाईन डे’ माझ्यासाठी विशेष आहे. एकतर त्या दिवशी  माझा भाऊ विवाहबध्द होत आहे. आणि दुसरे म्हणजे, मला संपूर्ण दिवस माझ्या आवडत्या व्यक्तीसोबत घालवण्याची संधी मिळणार आहे. ‘व्हॅलेनटाईन डे’ कसा साजरा कराचा, हे मी ठरवले असून त्याबाबत मी उत्साही आहे.

प्रांजली गलगली, मुंबई

.............................................................

‘व्हॅलेनटाईन डे’ माझ्यासाठी अगदी इतर दिवसांप्रमाणेच आहे. मी आणि माझी जोडीदार आम्ही ऐकमेकांवर खूप प्रेम करतो. त्यामुळे माझ्यासाठी प्रत्येक दिवस हा ‘व्हॅलेनटाईन डे’ असतो.

अर्चन  तेंडूलकर, दादर